Bloggsíða Siggu

Brúðkaupsmyndir

Wed, 06 Sep 2006 00:37:33 GMT

Búin að setja inn nýjar myndir úr einu af fjórum brúðkaupum sumarsins!

Ykkar Sigga....nýbakaður Hafnfirðingur :lol:

Bella Italia 2006

Wed, 02 Aug 2006 12:10:30 GMT

Hola!

Við Snorri erum flogin út til Ítalíu....komum aftur til baka þann 16. ágúst!

Arrivederci,

ykkar Sigga sól 8)

Loksins nýjar myndir!!

Sun, 09 Jul 2006 22:14:31 GMT

Fullt fullt fullt af nýjum myndum!! :lol:

Kíkið á myndaalbúmin! 8|

Kv., ykkar Sigga

Gleðilegt sumar!!? :O)

Mon, 24 Apr 2006 12:43:35 GMT

Sælt veri fólkið!

Gleðilegt sumar.....segir manneskjan sem þurfti að skafa tonn af snjó af bílnum og næstum moka sig út úr innkeyrslunni til að komast á BC-æfingu í morgun. Ég er búin að setja inn 8 ný albúm inn á myndasíðuna mína...albúmin sem sagt orðin 69 talsins! :lol:

Vegna fjölda áskorana setti ég einnig inn uppskriftina að franska draumnum -beztu frönsku súkkulaðiköku í heimi með heslihnetunum, þið vitið (Helga knows)! híhí....:D

Kveðja frá BC-Siggunni að lesa Draumalandið í leit að draumaíbúðinni! ;)

Boot-Camp -snilldin ein!!

Mon, 03 Apr 2006 11:34:38 GMT

Vá! Boot-Camp er sko málið!!

Þetta er ákkúrat sú þjálfun sem mig vantaði. Nú er að hefjast vika nr. 2. á námskeiðinu og ég er að komast í góðan gír. Var að skila fyrstu matardagbókinni minni en þeim á ég að skila vikulega.

Tímarnir mínir eru mán-mið-föst. kl. 6.30-7:30 og annan hvern laugard. er svo 2ja klst. útiæfing. Það sem gerir þetta svo skemmtilegt og spennandi er að maður veit aldrei hvers konar æfingar bíða manns. Þarna fara fyrir hópnum 4 einkaþjáfarar sem láta mann reyna á sig til hins ítrasta og OMG! Ég gekk um eins og mörgæs í vinnunni og er í fyrsta skipti að finna fyrir harðsperrum um ALLAN líkamann! Þetta er svona gott/vont eins og maður kallar það! ;)

Mætti í fyrsta tímann minn sl. mánud. beint af 12 klst. næturvakt....púlsinn rauk náttúrulega upp úr öllu valdi en þetta hafðist! Vorum m.a. látin gera ótal armbeygjur, kviðæfingar og froskahopp og síðan var okkur (total 45 manns) skipt í 3 hópa.

Byrjuðum á því að boxa 2 og 2 saman í boxpúða með alls kyns útlistingum. Síðan voru það step-ups í himinháum tröppum og ýmsar útgáfur af armbeygjum. Síðan var sko killerinn! Það var að hlaupa með vel þungan strigapoka þvert yfir salinn ótal ferðir, bicep og tricep æfingar -NB! MEÐ strigapokunum -og hoppa og gera allar hundakúnstir –alltaf með helv....pokann á herðunum! 8| Þarna var maður síðan fitumældur og fékk afhent gögn og græjur. Ég fann strax að þetta var e-ð sem hentar mér! Dreif mig síðan beint heim að sofa –hratt og vel- því ég átti að mæta á kvöldvakt á Slysadeildinni síðar um daginn! Þetta var einu orði sagt ROSALEGUR dagur! :lol:

Vorfagnaður Boot-Camp var síðan haldinn sl. föstudagskvöld í Iðusölum í Lækjargötu og mættu á annað hundrað manns! Þetta var ótrúlega skemmtilegt kvöld og fyndið hvað maður hitta marga sem maður þekkti. Veglegar veitingar á boðstólum, uppboð til styrktar góðu málefni (síðast til styrktar krabbameinssjúkum börnum) og hápunktur kvöldsins: Myndband a la Boot-Camp þjálfarar.is! Bara snilldin ein! Síðan voru DJ-ar og einn músíkant sem spilaði listilega á bongótrommur! Húgga-búgga.....8)

Well....vinnuhelginni lokið og ekki nóg með það! Klukkan 8:00 næsta föstudag er ég komin í langþráð PÁSKAFRÍ!!! ;) Það verður sko æðsilegt –sérstaklega þar sem ég hef ekki tekið mér lengra frí en 3 daga í röð frá því ég útskrifaðist!

Er að fara að hitta Birtz, Súzí og Signýju á Thorvaldsen í lunch-brunch í hádeginu....síðan kvöldvakt á Slysadeildinni!

Eigið góða vinnuviku!

Ykkar Sigga

Árshátíðarmaraþon & bakvaktarútkall!

Sun, 26 Mar 2006 05:30:17 GMT

Sælt veri fólkið!

Var á árshátíð Barnaspítala Hringsins í kvöld....skellti mér þrátt fyrir að vera skráð á bakvaktir ALLAR nætur þessa helgina! Skemmti mér hreint konunglega. Var boðið í fordrykk hjá Dr. yfirlæknir hr. Ásgeiri Haralds þar sem veittar voru veglegar veigar! Sumir doksarnir voru orðnir vel hífaðir svo ekki sé nú minna sagt kl. 19. 8| Þá var haldið sem leið lá með rútubílum á Grand Hotel þar sem sjálf árshátíðin fór fram. Boðið þar upp á fordrykk nr. 2....geggjaðan kókos-drykk í Wodka & trönuberjum....Maturinn var ekki af verri endanum! Rjómalöguð brandýbætt humarsúpa (sluuurk!) í forrétt, nautalundir í aðalrétt og kaffi og Sörur o.fl. í eftirrétt! Mögnuð skemmtiatriði....sérstaklega sérsamið lag barnaspítalans a la Ólöf deildarstjóri! Hún er sko textahöfundur með meiru! ;) Árshátíðarframlag/-atriði Vökudeildar var heldur vafasamt þar sem Snorri deildarlæknir fór með aðalhlutverkið í myndbandinu og brá sér í gervi dr. Atla í Vökunni. Til að gera langa sögu stutta var Atli vægast sagt SÁRMÓÐGAÐUR og sumir aðstandendur myndbandsins hurfu fljótlega heim á leið! Sel það samt ekki dýrara en ég keypti það! Heiðursgestur kvöldsins var engin önnur en frú heilbrigðisráðherra Siv Friðleifs og hélt hún fína tölu. Svitabandið lék fyrir dansi og tvíeykið Friðrik Ómar & Guðrún Gunnars tóku nokkur vel valin lög! Við Embla skáluðum í sérútbúnu sparkling water with lime/lemon og skemmtum okkur ábyggilega bezt af öllum! :haha: Hún að fara á nattevakt á barnaskurð á Hringbrautinni og ég á bakvakt á barna í Fossvoginum!

Ég var ekki fyrr komin inn úr dyrunum heima en það var hringt í mig og ég kölluð út á baktvaktina góðu! Barn sem kom inn á Slysadeild sem hafði slasast alvarlega! :cry: Náði samt að vippa mér úr galakjólnum, taka af mér mestu málninguna, slétta carmen-krullurnar úr hárinu og brunaði síðan beinustu leið niður á Slysadeild!

Jæja....get huggað mig við það að ég get sofið eins og ég vil á morgun! Byrja á Boot-camp námskeiði á mánud. þannig að þar sem eins gott að vera í góðum gír og vel upp lagður á morgnana! Síðan er ég víst að fara á mína 3. árshátíð þennan mánuðinn á föstudaginn. Þetta er árshátíð/vorfögnuður Boot-camp og hlakka ég strax bara heilmikið til! ;) Nú er ég þegar búin að fara á árshátíð Slysa- & bráðadeildar og Barnaspítalans.....bara fun fun fun, enda á maður bara að njóta þess meðan maður getur! :lol: .....það finnst mér a.m.k.! Lifðu lífinu lifandi -eat the desert first! c",)

Knúsíkrús,

ykkar Sigga -alias næturgali/Nightingale :D

Barna- & slysadeild -ásamt frú hlaupó! :O)

Mon, 23 Jan 2006 13:30:05 GMT

Sælinú!

Er ekki kominn tími á smávegis skrif? Margt hefur drifið á mína daga frá því að ég skrifaði síðustu færslu. M.a. nýtt ár 2006 gengið í garð og ég komin í nýja/-r vinnu/-r. Byrjaði á Barnaspítalanum þann 2. jan. sl. og líst ekkert smávegis vel á! Þarna var tekið ótrúlega vel á móti mér og andinn á deildinni er einu orði sagt frábær! Strax fyrsta daginn minn fékk ég risastóran skáp, skúffu undir allt dótið mitt og búið að ganga frá nýjum aðgangi að tölvukerfi LSH. Það er skemmst frá því að segja að á síðasta deildarfundi var ég sett í fræðslunefnd ásamt Emblu o.fl. auk þess sem deildin er að hefja undirbúning á upplýsingahandbók fyrir barnaskurðdeildina. Með þessu móti kemst ég eflaust mun fyrr en ella inn í starfsemi deildarinnar. Þarna fara fram allar barnaskurðaðgerðir milli himins og jarðar og er hjúkrunin þar því ótrúlega fjölbreytt og spennandi. Skrýtið en jafnframt ótrúlega skemmtilegt að hjúkra börnum á aldursbilinu frá 0-18 ára. Fékk m.a. að vera viðstödd aðgerð á 6 vikna skjólstæðingi sl. föstudag og var skurðlæknirinn ótrúlega duglegur við að miðla til mín upplýsingum meðan á aðgerðinni stóð. Hann hvatti mig til að koma oftar og fylgjast með fleiri aðgerðum á skjólstæðingum deildarinnar. Það mun ég svo sannarlega gera! ;)

Starfsemi barnaskurðdeildar er tvískipt og fer hún fram á tveimur stöðum; annars vegar Barnaspítala Hringsins og hins vegar á gamla Borgarspítalanum (þangað koma m.a. börn sem lenda í slysum, HNE-börn, heila- og taugabörn sem og börn sem gangast undir bæklunarskurðaðgerðir). Ég er einmitt að fara á fyrstu vaktina mína í kvöld á Bogganum.

Í næstu viku byrja ég síðan á Slysadeildinni en þar verð ég í 20% vinnu til að byrja með ásamt barnadeildinni. Ég er orðin ótrúlega spennt að byrja þar líka en í febrúar fer ég m.a. á sjálfsvarnarnámskeið og ACLS-námskeið á vegum deildarinnar. Eins gott að kunna að verja sig almennilega og bregðast við akút-aðstæðum á Slysó! :S

Er að vonast til að fá ekki hlaupabóluna....var hjá Helgu vinkonu í pizzu- og idol-partýi fyrir 10 dögum en hún fékk frú hlaupó daginn eftir! Þarna vorum við m.a. 3 sem höfum aldrei fengið hlaupabóluna áður. Meðgöngutími veirunnar er 12-14 dagar og ég krossa bara fingurnar og vona það bezta....7, 9, 13!!! Þurftum m.a. að fresta „útaðborðaferð“ á Sjávarkjallarann þar sem stóð til að fá hinn margrómaða Exotic Menu. Eftir á að hyggja er ég bara fegin að eiga það eftir...eigum pantað borð -ef allir verða hressir -3. febrúar n.k.....ummmmm! :lol:

Skellti mér með Ester systur í Orkuverið þar sem hún er byrjuð að kenna.....hún stóð sig bara ljómandi vel stúlkan! Tók pallasveiflu og ég fékk bara þokkalega mikið út úr tímanum! Fór á Memoirs of a Geisha í gærkveldi með Sólrúnu vinkonu. Þetta er einu orði sagt stórkostleg mynd sem á pottþétt eftir að sópa að sér Óskarsverðlaunum. Ziyi Zhang fór á kostum í aðalhlutverki geishunnar en hún er n.k. Öskubuska sem er vægast sagt illa liðin af nýju fjölskyldunni sinni. Tónlistin er mögnuð enda hlaut myndin Gullhnöttinn (Golden Globe) fyrir beztu kvikmyndatónlistina og kemur það ekki á óvart! Er með bókina á náttborðinu og hlakka ótrúlega til að lesa hana....þar kemur víst mun meira fram en í myndinni. Mér finnst alltaf ótrúlega gaman að lesa bækur eftir að hafa séð myndina því þá sér maður atburðarásina svo ljóslifandi fyrir sér. 8)

Jæja, bezt að halda áfram áður en vaktin byrjar á Bogganum –skildist að á boðstólum þetta mánudagskvöldið yrði Plokkari af beztu gerð ásamt spergilkáli og öllu tilheyrandi! Já gott fólk...alltaf veislumatur á borðstólum á LSH! :D

Góðar stundir og vonandi verður nýja vinnuvikan ánægjuleg hjá ykkur öllum!

Kv, ykkar Sigga

Lítil desemberprinessa komin í heiminn!

Mon, 12 Dec 2005 00:26:19 GMT

Blessað veri fólkið!

Ég var að eignast litla frænku! Stebbi bróðir eignaðist litla prinsessu fyrir viku síðan þann 4. desember sl. Þetta er hvorki meira né minna en fjórða barn hans og Auðar kærustu hans en nú eru komnar þrjár prinsessur og einn prins. Hún er ekkert smávegis falleg –með dökkan koll og svaka mikið hár! Algjör engill –bærði ekki á sér þrátt fyrir þrjú ærslasöm systkini sem m.a. héldu fyrir mig tónleika, bjuggu til listaverk og horfðu á Mikka mús á fullu blasti í imbanum. Stoppaði allan seinni partinn í kaffi eftir vinnu hjá litlu....uhumm.....sorry STÓRU fjölskyldunni í dag! :)

Fór á Divutónleika Frostrósa í gær –algjör unun að hlusta á slíka jólatónlist og koma sér í jólagírinn! Divurnar sjálfar fóru á kostum en þarna komu m.a. fram Jónsi úr Svörtum fötum, látúnsbarkinn Bjarni Ara, Ragga Gísla ex-Stuðmaður, Sammi úr Jagúar og Ítalinn Leone Tinganelli. Hansa stendur náttúrulega alltaf fyrir sínu en ég var hrifnust af laginu Geimferðalangur í flutningi Védísar Hervarar, Margrétar Eirar og Regínu Óskar (fyndin eignarfallsendingin í seinna nafni dívanna). Var með Divudiskinn í CD-spilaranum í bílnum meðan ég geystist bæjarhluta á milli í dag.....ákkúrat tónlistin til að koma sér í réttan jólafílíng! Fer svo á aðra tónleika næstu helgi þar sem fram koma m.a. hin berfætta Færeyjamær Eivör Páls, stórsöngvarinn Garðar Th. Cortes og síðast en ekki síst Þórey Cluelessdiva sem mun víst syngja einsöng. Get bókstaflega ekki beðið eftir þessum tónleikum! ;) Hef sl. tvö ár farið á tónleika með Palla og Moniku og ætla jafnframt að reyna að ná þriðju tónleikunum fyrir þessi jól.....það hafa sko verið tónleikar í lagi!

Búin að baka eina smákökusort –kossakökurnar- fyrir jólin og þrjár eftir. Ætla að reyna að byrja á Sörunum og skinkuhornunum í vikulok. Hef aldrei verið jafnsnemma í því og nú að „klára“ jólahreingerninguna –m.a.s. búin að þvo gluggana jafnt að innan sem utan og næst á dagskrá er jólahreingerningin á bílnum. Rjúpurnar hamflettar og komnar í hús og stóra jólatréð stendur úti á svölum og bókstaflega bíður eftir því að verða skreytt!

Fékk öll gögn í hendur sl. föstudag um nýja vinnustaðinn minn –starfsaðlögunarmöppu, vaktaplanið mitt og ýmsar áhugaverðar fræðigreinar. Var svo spennt að ég dembdi mér af fullum krafti í lestur og líst ekkert smávegis vel á! Nú er komið nýtt plan fyrir árið 2006! Ég er búin að ráða mig í 80% stöðu á barnaskurðdeild og jafnframt komin með 20% vaktir á slysa- og bráðamóttöku – gamla vinnustaðnum mínum! Finnst ég verða að halda í akútfasann eftir hreint magnað tímabil á hjartadeildinni! Hef bara mjög góða tilfinningu fyrir þessum breytingum og er orðin spennt að takast á við ný verkefni! Mun þó kveðja hjartadeildina -allavega í bili –með vægast sagt MIKLUM söknuði! Þetta hefur verið ótrúlega lærdómsríkur og skemmtilegur tími. Vildi stundum að ég gæti bara klónað mig og verið alls staðar! :D

Er að klára að lesa Mýrina eftir Arnald og er að byrja á Grafarþögn og Joy Luck Club eftir Amy Tan. Þvílíkt skrýtið að vera ekki í próflestri....eða próftíð eins og Norðlendingar kalla það víst! Man ekki eftir mér í desember öðruvísi en að vera á fullu ofan í námsbókunum eins og hún Ester systir mín er einmitt þessa dagana en hún er á lokaárinu sínu í MR. Fæ vægt „flash back“ þegar hún er að lesa líffræðina sína –allt um B- & T-eitilfrumur og hlutverk IgA, IgG etc. í líkamanum. Það var að vissu leyti ákveðin stemmning að vera í próflestri, lesa fram eftir með smájólatónlist ómandi í græjunum og SwissMiss+piparkökur -að ég tali nú ekki um þegar maður skrapp í smávegis ísbíltúr vestur á Hagamel til að verðlauna sig fyrir lestrarmaraþon dagsins. Man allt í einu eftir skemmtilegu sms-i frá Dexter, alias Ester systur, sem ég held mikið upp á og varðveiti en það er svohljóðandi:

Vinsamlegast keypið ískrem á mel haganna á leið yðar til vorra föðurhúsa. Enginn er ísinn hér til (fýlukall :$). Með fyrirfram þökk.....Miss EASTER –the rabbit! :lol:

Nú er ég smám saman að verða dolfallinn kaffiunnandi en sit hér með bolla af kanil- og heslihnetukaffi frá Te&kaffi -ótrúlega gott og ég mæli með að þig prófið! Smakkaði magnað Cinnamon&Pecankaffi frá Harrods um daginn og ég tala nú ekki um Frappuchino með vanillu&heslihnetum.

Jæja, æfing í fyrramálið og jólaundirbúningur fram að kvöldvakt!

Bezt að fara í háttinn og svífa á vit draumalandsins.

Þangað til næst,

ykkar Sigga

Jólin nálgast óðfluga!

Tue, 22 Nov 2005 21:59:01 GMT

Whazzup??

Var á nattevakten á ♥-deildinni sl. nótt....gott að fara heim að lúlla þegar aðrir eru að mæta til vinnu kl. 8. Get reyndar sjaldan sofið lengur en til ca. 13-14 e. vaktina. Ekki laust við að maður eigi eftir að sakna ♥-ns þegar maður flytur sig um set....fyrir mitt leyti er þetta algjör MUST deild þegar maður er nýútskrifaður. Finnst að allir hj.fr. og læknar eigi að fá tækifæri til að kynnast ♥-nu og starfseminni þar á bæ! Ótrúlega mikið sem ég hef lært á þessu hálfa ári og samansafn af hreint frábæru starfsfólki sem ég hef kynnst á þessum tíma! c”,)

Við útskriftarhjúkkur hittumst í saumó heima hjá Guðrúnu Svövu í síðustu viku....ótrúlega kósý íbúðin hennar. Þvílíkur munur að geta bara stokkið yfir götuna í vinnufötunum til að mæta í vinnuna á morgnana. Rosaflottar veitingar eins og venjulega og spjallað um þetta og hitt....alltaf e-ð nýtt sem maður fréttir í svona hittingi! Hringdum allar saman í Elínu okkar og sungum fyrir hana afmælissönginn.....greyið var að fara á næturvakt og var örugglega sofandi þegar við slógum á þráðinn! Til hamingju með daginn aftur Elín mín og sorry að við skyldum vekja þig af værum draumi! 8|

Skellti mér í nýjan tíma sem kallast NIA og stendur fyrir Neuromuscular Integrative Action. Þetta er heildrænt æfingarkerfi sem er n.k. sambland af sjálfsvarnar- og bardagaíþróttum, dansi, yoga og heilun. Var einu orði sagt mjöööög áhugaverð nýjung! Þið ættuð að prófa! ( Kíkið á vefsíðuna: http://www.nia-nia.com/ )

Hitti Marielle vinkonu mína sem er hjúkrunarfræðingur í bráðamóttöku í Noregi á föstudaginn. Hún er tveimur árum eldri en ég en við vorum að vinna saman fyrir tveimur árum á alm. skurð, en við skelltum okkur saman í vikuferð til Köben í ágúst ’03. Hvorug okkar hafði þá komið áður til DK og fannst okkur því upplagt að bera borgina augum saman það sumarið.....var hrein snilldarferð svo ekki sé nú minna sagt! Marielle er alltaf jafn hress og ótrúlega gaman að hitta skvísuna. Hún á von á sínu 1. barni í mars og var í heimsókn á Íslandi með kærasta sínum Thor sem er paramedic í Norge. Var að reyna að fá þau til að flytja til Íslands.....sjáum nú til hvernig það gekk!! :lol:

Bauð svo Hildi og Benedikt í mat um kvöldið í Idol-Tortilla veislu með öllu tilheyrandi. Þarf vart að kynna hvað var í eftirrétt....náttúrulega bezti ísinn í bænum frá Úlfarsfelli vestur í bæ og rjúkandi eplabaka! Var nokkuð sátt með að Eiríkur og Ragnheiður Sara komust í úrslitin í Idolinu....mér finnst R.S. minna mig svakalega á hana Hildi Völu –bæði brosið og fasið! Kom verulega á óvart að Viktor súkkulaðistrákur kæmist ekki áfram. Grunar að stúlkur á aldrinum 10-13 ára hafi verið farnar að sofa....ZZZZZzzzzzzz 8)

Kíkti í IKEA með Erlu, Katrínu Önnu og Þóreyju á laugardaginn....ALLT of sjaldan sem maður hittir Clueless-divurnar sínar! Við komumst að þeirri niðurstöðu að jólin eru svo sannarlega komin í IKEA. Allt jóladót milli himins og jarðar og fékk ég skemmtilegar hugmyndir að jólagjöfum! Las í e-u blaðinu um daginn að Svíar eru farnir að skíra dætur sínar IKEA –aðaltískunafnið í Sverige! Huxa samt að það sé nú skömminni skárra en að skíra barnið sitt Epli, Karamella, Paprika eða annað þvíumlíkt eins og Kanarnir gera nú til dags! ;) Fengum okkur kaffi og með’ðí og skelltum okkur síðan í heimsókn á Leifsgötuna til Völu og Aleksi og vorum þar í góðu yfirlæti hjá þeim skötuhjúum.

Var síðan boðið í Thai-matarboð til Súsí og Auðuns en þar voru líka skötuhjúin Birta og verðandi Dr. Geir. Þar fengum við dýrindis veitingar að venju -geggjaðar vorrúllur, magnaðan kjúklingarétt í kókos með Thai-grænmeti og brjálaða bombu í eftirrétt. Þarna sátum við frameftir og spjölluðum um heima og geima....alltaf jafn gaman að hitta fólkið! Takk aftur kææærlega fyrir mig Súzí og Birtz....hlakka mikið til að endurtaka þetta kvöld gells!

Mútta mín kom heim úr ráðstefnuferð frá London um helgina.....alltaf gott að fá múttu heim. Maður er alltaf pínu á varðbergi eftir atburðina sem áttu sér stað í Londres í júlí í sumar. Var sjálf alltaf með ♥-ð í buxunum þegar rauður „uppistrætó“ ók framhjá okkur í Cluelessferðinni um verslunarmannahelgina í sumar og ég tala nú ekki um þegar við tókum strætó frá Oxford Street og dökki skuggalegi maðurinn með svarta grunsamlega bakbokann steig upp í vagninn á miðri leið! Þá hélt ég að dagar okkar væru taldir!!!! :$

Var að horfa á Strákana á Stöð2....þeir eru óborganlegir! Vakning á Ilmi Kristjáns, hamstrakapphlaupið mikla og Pétur Jóhann í gervi J.Á. í Sjálfstæðu fólki....hann tók Þorstein Guðmunds svoleiðis á beinið að annað eins hefur ekki sést. Meistarinn sjálfur og sjónvarpsmaður ársins J.Á. hrósaði Pésa m.a.s. þvílíkt fyrir frammistöðuna um daginn og kallaði hann snilling!

Well framundan er vinnuvika og –helgi en á föstud. er hj.fræðingum og læknum á ♥-deildinni boðið á hið árlega jólahlaðborð á Nordica sem á víst að vera svaka galakvöld! Ég er mjööög spennt þar sem ég hef aldrei á ævi minni farið á jólahlaðborð!!!! Síðan er annað hjúkkuhlaðborð á Hereford 2. des....verð greinilega bara í þessu sem og tónleikum og öðrum skemmtilegheitum fram að jólum! Langar m.a. á Divutónleikana 10. des og Katie Melua í mars '06. Ekki slæmur árstími núna....venjulega væri ég nefnilega byrjuð í próflestri á þessum tíma árs. Les kannski bara Þriðja Táknið eftir hana Yrsu sem er að fara sigurför um heiminn þessa dagana! :D

Vonandi að þið hafið það sem allra bezt!

Sigga jólastelpa

(P.S. Búin að setja inn nýjar myndir á myndasíðuna!)

Helgarupdate Siggunnar!

Sun, 13 Nov 2005 21:00:28 GMT

God aften!

Ég dýrka sunnudaga þar sem maður getur slappað af fyrir alvöru og gert allt það sem mann langar til. Skroppið á kaffihús og fengið sér ómótstæðilegan frappuchino, farið á æfingu, horft á imbann og lesið blöðin spjaldanna á milli. Ábyggilega búin að lesa næstum allar áhugaverðar greinar í Mogganum og Fréttablaðinu. Las um Óla Stefáns, Garðar Cortes junior –óperusnilling með meiru, nýju fatahönnunarlínu Bítilsdótturinnar Stellu McCartney sem er að slá öllu við í Evrópu (eins gott að við Embla séum ekki staddar þessa stundina í Sverige.....værum örugglega búnar að heimsækja H&M oftar en góðu hófi gegnir og tæma lagerinn í þrígang!) og hjón sem höfðu ættleitt þrjú börn frá Kólumbíu og eignuðust svo loksins fjórða barnið með „gömlu góðu aðferðinni“ eins og svo skemmtilega var að orði komist. :lol:

Síðustu helgi bauð lyfjafyrirtækið MSD (Merck, Sharp & Dome) starfsfólki hjartadeildar og bráðamóttöku til áhugaverðrar lyfjakynningar og kvöldverðar að Lækjarbrekku. Þar held ég að Helga Braga hafi átt vinninginn en hún bókstaflega reitti af sér hvern brandarann á fætur öðrum og dansaði magadans við undirleik KissKiss lagsins margrómaða. Hún lét okkur hin ekki sitja auðum höndum og fékk okkur öll til að dansa með.....þ.á m. hjartasérfræðingana sem fóru gjörsamlega á kostum svo ekki sé nú minna sagt. Ég hélt að við myndum fara yfir um af hlátri. Á boðstólum var m.a. gómsæt humarsúpa, kjúklingabringur og rautt&hvítt með því.......:D

Daginn eftir var haldið í Íslensku óperuna þar sem við sáum leiksýninguna Kabarett og Þórunn Lárusdóttir fór á kostum ásamt fleirum. Ótrúlega margar leiksýningar sem mig langar að sjá þessa dagana, t.d. geðveiki gamanleikurinn Himnaríki, Ég er mín eigin kona (með sjarmatröllinu Hilmi Snæ) og Edith Piaf. Það er einhver sjarmi við að fara í leikhús....sérstaklega þegar líða fer að jólum! Nú hefur maður loxinz tíma fyrir slíkt....leikhús, tónleika u.s.w.

Fór út af borða með Hreyfingarskvísum í gærkveldi á nýja indverska veitingastaðinn Indian Mango. Við pöntuðum okkur fjóra mism. aðalrétti en þar má nefna svaka góðan svartfugl, kjúlla, portúgalskan piri-piri fisk (x-tra hot) og svínarif....mér prívat og persónulega fannst svartfuglinn standa upp úr. Svo var náttúrulega naan-brauð, papadom (brauð að hætti Indverja sem smakkaðist eins og laufabrauð/kartöfluflögur), ljúffeng myntusósa og mango chutney. Í eftirrétt var m.a. hnetu- og súkkulaðiturn, saffran-mango ís og gulrótareftirréttur. Allt mjög gómsætt.....en gulrótarrétturinn var nú ekki upp í nös á kettlingi....c.a helmingi minni en mini-kókoskúla að stærð. Hugsa að Helga sjái enn stórlega eftir því að hafa ekki pantað hliðarskammt af súkkulaðiköku!!! c”,) Á borðinu við hliðina á okkur sátu hjón með son sinn sem leit bókstaflega út eins og sjálfur Oliver Twist. Hann var í hnésíðum buxum líkt og Pétur í Ölpunum.....(jodelio lei hí hú!), stuttermaskyrtu og punkturinn yfir i-ið voru svo skórnir hans en annar þeirra var grænn en hinn skær-appelsínugulur. Aaaaalgjört krútt! ;) Á borðinu hægra megin við okkur sat svo Svavar Örn hárgreiðslumeistari ásamt unnusta sínum og vinahópi. Ein konan í þessum hópi bað vinsamlegast um að ekki yrðu teknar neinar myndir af grúppunni meðan á borðhaldi stæði (ábyggilega verið hrædd um að birtast í Séð&Heyrt eða Hér&Nú eftir helgi). Kíktum svo á Café Oliver og leiðin lá síðan í deildarpartý hjá kirurgiuliðinu....þar var sko fjör! Drifum aðal djammliðið með okkur á Oliver again þar sem við dönsuðum fram eftir nóttu við R’nB og Hip-Hop tónlist......

Well....þetta var helgarupdate Siggunnar.

Gaman væri nú að heyra hvað þið eruð að bralla og grallarast þessa dagana........

Luv,

SigguZ

Fimm staðreyndir um Sigguna!

Sat, 29 Oct 2005 17:28:24 GMT

Sælt veri fólkið...

.....long time no write! Ætli sé ekki komið að því að ég svari klukkinu og skrifi a.m.k. 5 staðreyndir um Sigguna! 8)

Ég er búin að fá 100% stöðu á barnaskurðdeild á Barnaspítala Hringsins frá og með 2. janúar n.k. –er óóótrúlega spennt að byrja! Búin að skoða deildina og er þarna fyrirmyndaraðstaða og pláss til að athafna sig. Fer að vinna með Emblu minni sem var með mér í Svíþjóð í verknámi fyrir ári síðan...trúi varla að það sé liðið heilt ár frá Uppsala-ævintýrinu!
Ég náði ACE-prófinu sem ég tók 1. okt síðastliðinn. Þetta er Personal Fitness Trainer exam sem skiptist í tvo hluta. Sá fyrri var 2 klst. bóklegur hluti þar sem voru case studies og við áttum að taka að okkur skjólstæðinga, koma með ráðleggingar (t. sjúkdómsástandi) og gera þjálfunaráætlun. Seinni hluti prófsins var síðan frá kl. 13.00-17.30 þar sem ég svaraði 250 krossum með fimm svarmöguleikum! Niðurstöður prófsins eru allar tölvukeyrðar og lágu fyrir nú í vikunni. Fékk sent bréf í fyrradag frá Morrisville, North Carolina, þess efnis að ég hefði náð! :lol: (Var víst ca 75% fall í fyrra).
Ég er nýbakaður bílaeigandi –festi kaup á Toyota Yaris árg. 2002 í gær....fyrsta almennilega snjódeginum í Rvík. Skrifaði undir í gær og gekk frá pappírum. Þetta er ótrúlega fínn bíll, sparneytinn og þægilegur í akstri + með flottum CD-spilara. Erum nú með hvorki meira né minna en fimm bíla í hlaðinu!
Ég vann 91 klst. frá föstud-föstud. í síðustu viku (Workaholic)......ætla samt ekki að gera þessa vitleysu aftur en þarna var ég að vinna á þremur mismunandi deildum (2 skurð og lyf). Veitir samt kannski ekki af að vera duglegur þar sem maður er farinn að reka bíl, borga sky-high tryggingar, afnotagjöld u.s.w.
Mátaði brúðarkjól í fyrsta og VONANDI ekki síðast skipti um síðustu helgi. Ástæðan er sú að ég var fengin til að vera módel í lokaverkefni í brúðarförðun hjá einni sem var að ljúka námi í snyrtifræði....þetta var ekkert smávegis gaman! Fæ að eiga myndirnar og allt saman!

Nú vantar mig bara fína íbúð, kisu (helst norskan skógarkött) og xxxxxx ;)

Jæja, er á leið í sumarbústað með bekknum eftir hálftíma....ætlum að elda e-ð ótrúlega gott í kvöld eins og venjulega, spila, fara í pottinn, e.t.v. fara í SingStar o.fl. Get ekki beðið eftir að hitta liðið. c”,)

Hasta la vista,

Ha’ det bra!

Ykkar Sigga

Kvartaldarafmæli ZigZag!

Fri, 09 Sep 2005 14:16:51 GMT

Helló!

Hvað er að frétta? Ótrúlega skrýtið að vera ekki að fara í skólann í september...sakna dálítið skólabóka-/bekkjafélaga-/hauststemmningarinnar sem myndast alltaf í sept....en kosturinn er náttúrulega að þurfa ekki af taka nein próf á þessari önn (að undanskildu ACLS-prófi). Bara vinna og aftur vinna á deild hjartans! :lol:

Minns á afmæli á sunnud. 11. sept....(ekkert ó....greyið þú hér -9/11! By the way -4 ár liðin frá atburðinum). Hvorki meira né minna en 25 ára STÓRafmæli hjá minni. Verð með fólk í mat á morgun og síðan verður sko jammað djammað! :) Var að koma úr afmælisklippingunni enda sko kominn tími til að snyrta aðeins lubbann sinn....ekki farið í klippingu síðan daginn fyrir útskriftina í júní. 8|

Well, bezt að fara niður í MR að sækja systu í skólann....Hún er ábyggilega OFURhress eftir gærkvöldið. Busaball með meiru. Say no more! Blikk, blikk! ;)

Góða helgi elskurnar!

Ammlis-Siggan

Divuferðin til London og 5 ára MR-Reunion

Sun, 07 Aug 2005 19:46:49 GMT

Helló jó!

Komin heim eftir hrein geggjaða Clueless-divuferð til London. Ég, Elsa, Erla og Kristín flugum út til Daggar, Herdísar, Völu og Þóreyjar um verslunarmannahelgina og áttum ótrúlega skemmtilega helgi saman. Við gistum þrjár nætur á fínu hosteli með sturtu, morgunmat og 24 klst. internettengingu og borguðum innan við 6000 ISK á mann fyrir þetta allt. Fórum m.a. út að borða á Levantine –líbanskan veitingastað en á staðnum var mega hot magadansmær.....og hún Þórey okkar ofurgella sýndi sko hvað í henni býr því hún fór á kostum við magadansinn. :lol:

Við Erla og Elsa skelltum okkur í Pineapple Dance Studio sem er einu orði sagt magnað! Þetta var eins og ganga inn í kvikmyndina FAME en stúdíóið var stofnað árið 1979 og þar var fólk með svitabönd og legghlífar, svartir jafnt sem hvítir, sumir að teygja á þreyttum vöðvum á ekta ballettslám eftir hörkuátök og fólk í tap dance (steppdans), poledancing, cheerleading og guð má vita hvað. Við ákváðum að fara í RnB Hip Hop Grooves - sem er n.k. Jazz-Funk tími. Leiðbeinandinn var dökkur strákur á mínum aldri með þvíííílíka takta að annað eins hefur varla sést. 8)

Héldum árshátíðina okkar á laugardagskvöldinu á veitingastaðnum Asia de Cuba sem er hannaður af engum öðrum en sjálfum Philip Stark. Það er óhætt að segja að þetta sé hip og kul staður með meiru. Kokteilar, margrétta for- og aðalréttir….fékk mér m.a. önd og kjúkling…..uummm, nammi namm….fæ bara vatn í munninn við tilhugsunina! Síðan var farið á Kokteilbarinn Metza þar sem hinn alræmdi kokteill Very-berry gerði stormandi lukku hjá okkur öllum…..eiginlega var hann of góður! Og Golden Dream var heldur ekki síðri. Endað á skemmtistaðnum 101 við enda Oxford Street þar sem við kynntumst nokkrum typical Bretum……við komum þeim skilaboðum áleiðis að við værum giftar hver annarri en þeir áttu einhverra hluta vegna erfitt með að trúa því! :D

Fórum m.a. á Victoria & Albert’s Museum, röltum um í Covent Garden, forum á sunnudagsmarkað, fengum the Godfater-ísrétt á Bella Italia….sem ber sko nafn með rentu -og versluðum smávegis síðustu klukkustundirnar á Oxford Street.

Við stóðum fyrir endurfundum/reunioni 5 ára stúdenta úr MR sl. föstudagskvöld sem heppnaðist alveg ótrúlega vel…..a.m.k. skemmti ég mér konunglega. Skemmtilegt að hitta alla aftur……suma hafði ég m.a.s. ekki séð síðan á útskriftinni 1. júní 2000. Ótrúlegt hvað tíminn flýgur! Hengdum m.a. upp FAUNU-myndir af öllum árganginum, skreyttum salinn með 5 ára blöðrum, fengum hljómsveit, DJ, vorum með happdrætti og blönduðum bollu….lítill fugl hvíslaði því síðan að mér í gær að hún hefði verið dálítið sterk fyrir suma! 8|

Kíkti með Dagmar og Magna Val á Gay Pride í gær og fengum okkur síðan kakó á Litla Ljóta andarunganum til að hlýja okkur…..ekki laust við að farið sé að dimma úti og jafnvel hausta svolítið. Mér finnst alltaf allt breytast ótrúlega eftir verslunarmannahelgina….skammdegið farið að segja til sín og allir að komast í sinn haustfíling. Reyndar verður ábyggilega stórfurðulegt að setjast ekki á skólabekk í september….já, í fyrsta skipti frá því ég man eftir mér! Og hjúkket fjúkket að losna við jólaprófin –loksins fær maður að njóta desembermánaðar og jólaundirbúningsins í botn!

Fékk tvö atvinnutilboð alveg óvænt upp úr þurru í dag og í gær –bæði á Borgó og við háskólasjókrahúsið í Osló, Noregi! Hugsa að ég sé samt ekki á leið til udlandet núna…..a.m.k. ekki þetta árið enda búin að heimsækja 5 lönd árið 2005!! Við Erla perla o.fl. vorum að hoppa og skoppa frá því kl. 7.30 í morgun í upptökum….var ótrúlega gaman. Ekki laust við að maður sé svolítið dasaður eftir daginn.

Jæja, er að fara að hitta múttu niðri í bæ…..ætlum að fá okkur e-ð ótrúlega gott í gottinn! ;) Pápi í veiði og Ester í spinnigal útskriftarferð MR á Portúgal! :lol:

Búin að setja myndir frá Londres og Reunioninu inn á myndasíðuna mina! Enjoy.....eins og Bretarnir segja!

Ykkar Hjúkköpp

LONDON BABY.....HERE WE COME!

Thu, 28 Jul 2005 23:49:32 GMT

Jamm og já!

Við Clueless divurnar erum að fara til Londres.....ELDsnemma í fyrramálið en ég verð víst sótt kl. 4.45. Fjórar okkar fóru sl. þriðjudag og svo förum við fjórar á morgun. Toodles er fjarri góðu gamni í landi Kengúra og Kóalabjarna -en við hugsum vel til þín Tótla mín! ;) Við erum að ræna Erlu perlu og taka hana í brúðkaupsferð þessa helgina. :D Ætlum í Pineapple Studio í Jazz-Funk, salsa og það heitasta í dag.....SÚLUdans :O) Eigum pantað borð á Asia de Cuba sem verður n.k. árshátíðarkvöld með Cosmopolitans etc. Planið er m.a. að fara á laugardagsmarkað í Notting Hill, hoppa upp í London Eye, kíkja í Soho-hverfið, China Town og gæða okkur dim sum....8)

Bezt að fara að kveðja....enda ekki seinna vænna!

Knús, ykkar

ZigguZ

Brúðkaup Erlu & Jónasar Rafns!

Sun, 17 Jul 2005 15:02:56 GMT

Hola Amigos!

Var í yndislegu brúðkaupi hjá Erlu og Jónasi í gær. Þau voru gefin saman við hátíðlega athöfn í Háteigskirkju þar sem Þórey Sif söng eins og engill Our Love is here to stay og Þú fullkomnar mig......brúðurin bókstaflega grét af gleði. Við komum brúðhjónunum heldur betur á óvart þegar við sungum I say a little prayer.....held að þau hafi bara haft gaman af! :D Síðan var veislan haldin í Glaðheimum –sal í Lindarhverfi í Kóp. Þvílíkar veitingar maður minn....við áttum ekki til orð.....kalkúna- og drottningarskinka, kjúllar og geggggjuð brúðkaupsterta. Ótrúlega léttar og skemmtilegar ræður, þ.á m. við Clueless-divurnar sem töluðum til nýgiftu hjónanna og rifjuðum upp skemmtilegar minningar úr MR. Tótla á priki var með okkur í anda en hún er stödd í Sydney, Ástralíu...Toodles! Þú fattar þetta ef þú skoðar myndirnar mínar! :O) Þar tilkynntum við Jónasi m.a. að við Clueless-urnar myndum ræna Erlu og taka hana með okkur í brúðkaupsferð til London um verslunarmannahelgina. Vala og Elli vinur Hr. Jónasar voru veislustjórar og stóðu sig ekkert smá vel.....gjörsamlega reittu af sér og síðan talaði Valan ótrúlega fallega til Erlunnar sinnar. ;) Kaja (Katrín Anna) dóttir E&J var ótrúlegur engill og ekki annað að sjá en hún skemmti sér konunglega í brúðkaupi foreldra sinna....skvísan varð einmitt eins árs föst. 15. júlí. Til hamingju enn og aftur!

Þá voru rútuferðir heim til foreldra brúðarinnar og allir komu í geggjað skemmtilegt garðpartý en Gummi og co. höfðu nýlokið við að byggja þvílíkt glæsilegan & RISAstóran pall úti í garði. Þar stigu E&J brúðarvalsinn og síðan var harmonikkuspilerí, tjútt og gítarsöngur úti í tjaldi fram eftir nóttu. Takk fyrir yndislegan dag í gær.....skemmti mér óóótrúlega vel og ég get næstum lofað að ég tali fyrir munn allra! Þúsund þakkir fyrir mig! :lol: Kíktum síðan í byen í lokin til að dansa gjörsamlega af okkur skóna.......

Er búin að setja inn myndir á myndasíðuna úr brullaupi frú Erlu & herra Jónasar Rafns....njótið vel!

Kv. ykkar Sigga